News

Mir sichen 1 Chargé(e) de mission pour l'innovation sociale (m/w)!

Published on 30/01/2026 by Agence du Bénévolat


Zënter 2002 setzt sech d’Agence du Bénévolat dofir an, de Benevolat an all senge Formen ze fërderen. Fir dës Missioun z’erfëllen ënnerstëtzt si d’Veräinsliewen an entwéckelt nei innovativ Formater vu Benevolat fir eis Gesellschaft.

Äert Aarbechtsgebitt:

Den demografesche Wandel stellt eis Gesellschaft viru grouss Erausfuerderungen. Einsamkeet ass e wuessende gesellschaftleche Problem, dee besonnesch eeler Mënsche betrëfft. De Benevolat spillt eng wichteg Roll, fir dësen Entwécklungen entgéintzewierken.

Dir drot zum Ausbau vun nohaltege Benevolatsofferen a Servicer am soziale Beräich mat bäi, déi zum Zil hunn, déi sozial Isolatioun ze verhënneren an d’Liewensqualitéit am Alter ze erhalen:

  • Sensibiliséierung a Berodung vun den Acteuren um Terrain (z.B. Strukture fir eeler Mënschen, ASBLen a Fondatiounen) bei der Entwécklung vun enger Offer, déi fir Benevoller einfach zougänglech ass an engem kloer definéierte Kader
  • Vernetzung an Ausbau vun de bestoende Missiounen am Benevolat am soziale Beräich
  • Fërderung vum Erfarungs- an Informatiounsaustausch tëscht den Acteuren
  • Erliichterung vun der Kontaktopnam tëscht Benevollen an Acteuren duerch eng effizient Koordinatioun
  • Aktiv Bedeelegung un der Rekrutéierung vu Benevollen iwwer d’Plattform benevolat.lu
  • Aféierung vu Krittäre fir de Suivi an d’Bewäertung vun den initiéierte Projeten. 

Profil: 

  • Ausgepräägt sozial- a Kommunikatiounskompetenzen
  • D’Fäegkeet ze presentéieren, ze representéieren an ze iwwerzeegen
  • Sproochkenntnisser, geschriwwen a geschwat, an den offizielle Sprooche vum Land 
  • Eng gewëssenhaft an autonom Aarbechtsweis
  • Kenntnis vum Lëtzebuerger soziale Sektor ass e Virdeel
  • B-Fürerschäin an en eegenen Auto

D’Positioun gëtt am Aklang mam SAS-Kollektivvertrag, Carrière C7, remuneréiert.

Schéckt Är Kandidatur zesumme mat engem Motivatiounsschreiwes, engem Liewenslaf an enger Kopie vun den Ofschlossdiplomer bis spéitstens de 25.02.2026 op benevolat@benevolat.lu 

Agence du Bénévolat

Since 2002, the Agence du Bénévolat's mission has been to promote and develop volunteering in Luxembourg among organisations that call on volunteers, the general public and the public authorities.

Read also

The Agence du Bénévolat, with the support of the Ministry of Family, is launching the national campaign "Give this chair your voice!" to highlight an essential form of civic engagement: serving on the board of an association. 📽️ Discover the stories of the board members here!

The Agence du Bénévolat has relocated!

Social (Health / Solidarity / Integration) All audiences Volunteers

The Agence du Bénévolat has temporarily relocated to carry out work that will make our main building in Strassen more accessible to people with reduced mobility.

Stay informed

Regularly, our best articles as well as information on our next events and trainings in your mailbox.