Zënter 2002 setzt sech d’Agence du Bénévolat dofir an, de Benevolat an all seng Formen a Facetten ze fërderen. D’Agence ënnerstëtzt d’Veräinsliewen a vertrëtt d’Interesse vun de Benevollen an de Veräiner.

Är Missioun:

• Fërderung a Promotioun vum Benevolat zu Lëtzebuerg duerch Sensibiliséierungs- an Informatiounsaktivitéiten.
• Entwécklung an Ënnerhalt vu Partnerschafte mat Gemengen, Veräiner an aneren Acteuren, ­ fir de Benevolat op lokalem Niveau ze stäerken.
• Ënnerstëtzung vun der Ekipp bei der Planung, Organisatioun a Realisatioun vun den Aktivitéite vun der Agence.
• Virbereedung an Duerchféierung vu Presentatiounen an Atelieren iwwer déi verschidde Forme vun Engagement.
• Matwierken un der strategescher Entwécklung vun der Agence, inklusiv der Entwécklung vun neie Servicer, Konzepter a Kooperatiounen.

Äert Pro­fil:

• Exzellent sozial- a Kommunikatiounskompetenzen.
• Erfarung mat dem Lëtzebuerger Veräinsliewen an dem Benevolat.
• Gutt Kenntnisser an den offizielle Sprooche vum Land souwéi dem Engleschen.
• D’Fäegkeet ze presentéieren, ze representéieren an ze iwwerzeegen.
• Flexibilitéit bei den Aarbechtszäiten (geleeëntlechen Asaz am Owend oder de Weekend).
• Ofgeschlossent Héichschoulstudium (min Bachelor).
• B-Fürerschäin an en eegenen Auto.

Wat mir bidden:

• E motivéierend Aarbechtsëmfeld mat gesellschaftlechem Impakt.
• Kreativ Fräiheeten an eng equilibréiert Work-Life Balance.
• De Poste gëtt nom SAS-Kollektivvertrag, Karriär C7, remuneréiert.

Schéckt Är Kandidatur zesumme mat engem Motivatiounsbréif, engem Liewenslaf an enger Kopie vun den Ofschlossdiplomer bis spéitstens de 14.08.2026 op benevolat@benevolat.lu